Баланың мінезіне қарай сыйлық таңдау
Әр бала – ерекше. Біреулері тыныш ойындарды ұнатса, енді біреулері мүлдем бір орында отырмай, уақытын далада өткізуді жөн көреді.1. Егер балаңыз белсенділер қатарына жатса, ең алдымен далада ойнауға, спорттық және белсенді іс-шараларға арналған ойыншықтарға, жарыс түріндегі ойындарға назар аударыңыз.
2. Ал балаңыз баяу қимылдап, тыныштықты ұнататын болса, шығармашылыққа арналған дамытушы ойыншықтарды, шыдамдылықты талап ететін пазлдар мен құрастырмаларды таңдаған жөн.
Жалпы, балаларды болжау мүмкін емес. Кеше ұнатқан ойын бүгін оған мүлдем қызықсыз болуы мүмкін. Сондықтан сыйлық таңдағанда тек мінезіне ғана емес, сонымен қатар жас ерекшелігі мен қазіргі уақыттағы қызығушылықтарына да көңіл бөлуді ұсынамыз.
1-3 жас аралығындағы балаларға арналған сыйлықтар
Бұл кезеңде ата-аналар баланың дамуының әртүрлі аспектілеріне ерекше назар аударады. Себебі осы бірнеше жыл ішінде баланың қабылдауы, тілі және ойлауы қалыптасады. Бала әлемді айналасындағы заттар арқылы танып біледі. Өзі көп нәрсені әлі түсінбесе де, оны түрлі-түсті, жарқын, дыбысы бар және белсенді ойын кезінде сынбайтын ойыншықтар қызықтырады.1-3 жас аралығындағы балалар үшін мынадай сыйлық түрлерін қарастыруға болады:
Сорттаушылар (септеушілер). Әдетте сорттаушыларды көлік немесе көңілді жануарлар түрінде жасайды. Ойыншықтың үстінде әртүрлі пішіндегі (дөңгелек, шаршы, үшбұрышты және т.б.) тесіктер болады. Бала осы пішіндерге сәйкес келетін бөлшектерді салу арқылы маңызды тапсырманы орындайды.
Пирамидалар. Классикалық дамытушы ойыншық болып саналады және ондаған жылдар бойы өзектілігін жоғалтқан жоқ. Балаңызға сақиналарды немесе стақандарды дұрыс ретпен орналастыру ұнайтыны сөзсіз. Жарқын түстер мен ерекше пішіндер бұл ойынды баланың сүйікті ісіне айналдырады.
Музыкалық аспаптар. Баланы өнермен таныстыруды бастау үшін жаңа жылға ойыншық музыкалық аспап сыйлауға болады. Бұл пианино, гитара немесе барабан болуы мүмкін. Мұндай аспаптар тек өзіне тән дыбыстарды шығарып қана қоймай, жануарлардың дауыстарын, музыка және басқа да қызықты функцияларды қосып, баланы қуанта алады.
Интерактивті ойыншық-жануар. Егер сіздің үйіңізде үй жануары бар болса да, бұл балаңыз интерактивті ойыншықпен ойнамайды дегенді білдірмейді. Қазіргі заманғы технологиялар қозғалып, дыбыс шығара алатын ойыншықтарды жасауға мүмкіндік береді. Нағыз жануарға ұқсайтын ойыншық алғыңыз келсе, біршама қаражат жұмсауға тура келеді. Бірақ балаңызда үруге, мияулауға, дауысты және қол тигізуді сезінуге қабілетті ерекше дос пайда болады.
Ойын палаткасы. Балалық шағыңызда үйде шатыр құруды ұнатқаныңызды есіңізге түсіріңізші. Қазіргі балаларға мұндай шатыр жасау қажет емес, себебі арнайы палаткалар бар. Балалар үйшік құруды және оны жабдықтауды ұнатады. Мұндай палаткалар ата-аналарға да ұнайды, өйткені олар жинақы және аз орын алады.
Саусаққа арналған бояулар. Бұл өте пайдалы және қызықты сыйлық. Балалар қолымен зерттеуді ұнататындықтан, саусақпен сурет салу процесі оларды қуантады. Шығармашылық қабілетті дамыту барысында мұндай бояулар ұсақ моториканың дамуына ықпал етеді.
Суға сурет салатын кілемше. Бұл керемет өнертабыс. Суреттер арнайы кілемшеде тек таза сумен толтырылған қалам арқылы жасалады. Сонымен қатар, жинақта су арқылы басылатын әртүрлі мөрлер болуы мүмкін. Мұндай ойыншық баланың назарын аударып, ата-аналарға біраз тынығуға мүмкіндік береді, өйткені ол қауіпсіз және қоршаған ортаға зиян келтірмейді.
4-6 жас аралығындағы балаларға арналған сыйлықтар
Мектепке дейінгі жастағы балалар ересектерге еліктейді. Қыздар анасына ас үйде көмектескісі келсе, ұлдар көліктерге және әкесінің құралдарына қызыға бастайды. Баланың қызығушылықтарына назар аударып, жаңажылдық сыйлықты дәл таңдау маңызды.Ойын ас үй, ыдыс-аяқ, жеміс-жидектер мен көкөніс жиынтығы. Қазіргі нарықта баланың өзін нағыз аспаз сезінуіне мүмкіндік беретін осындай ойыншықтардың түр-түрі бар. Қыз бала анасына толықтай еліктеп, сүйікті тағамдарын дайындап, дастархан жайып, ойыншық қуыршақтарын қонақ қылып тамақтандырудан ерекше қуаныш алады.
Құрылыс құралдары жиынтығы. Барлық қажетті құралдарымен жабдықталған үлкен ұсталық үстел – кез келген ұл баланың арманы. Болт пен бұранданы жалғау, шеге қағу немесе бұрауышпен бұранда бұрау сияқты әрекеттер кішкентай шебердің назарын аудармай қоймайды.
Барби сияқты қуыршақтар. Бұл қуыршақтар бірнеше жыл бойы қыз балалар арасында танымалдылығын жоғалтқан жоқ. Қазіргі уақытта тек сәнді көйлек киген сұлуды ғана емес, сонымен қатар «мамандықтар» сериясындағы қуыршақтарды да табуға болады. Таңдауды қызыңыздың талғамы мен қызығушылығына қарай жасаңыз.
ЛОЛ қуыршақтары. Соңғы жылдары ерекше танымалдылыққа ие болған бұл кішкентай қуыршақтар мен олардың аксессуарлары балаларды қатты қызықтырады. Жылтырақ шардың ішінде не бар екенін білу процесі – өзіндік ерекше қуаныш. Шарды шыршаның астына жасырып, балаңыз оны өзі тауып алғанын қызықтап көріңіз.
Радиомен басқарылатын машина. Кішкентай жүргізушілер өздерін көлік жүргізушісі сезініп, жылдамдықпен жарысуға мүмкіндік алуды жоғары бағалайды. Көлік жарыс машинасы немесе S-класты автомобиль түрінде болуы мүмкін.
Конструкторлар. Қазіргі конструкторлар әртүрлілігімен таңғалдырады. Олармен фигуралар, көліктер, ғимараттар жасауға болады. Кейбір модельдер ұл балаларға, ал басқалары қыздарға арналып жасалған. Конструкторлардың көптеген топтамалары танымал мультфильмдер негізінде жасалған, сондықтан ата-аналар балаға қызықты конструкторды оңай таба алады. Тек ойыншықтың жас ерекшелігіне сәйкес келетінін тексеруді ұмытпаңыз, әйтпесе балаңызбен бірге құрастыруға тура келеді.
Темір жол жиынтығы. Бұл ойыншық – балалар арасында ең сүйіктілердің бірі. Шеңбер тәрізді рельстерді жинап, өзін машинист ретінде елестетіп, бүкіл пойыз құрамын басқару – өте қызықты процесс. Қазіргі үлгілер дыбыстар шығарып, тіпті бу немесе сабын көпіршіктерін шығара алады.
Барлаушы жиынтығы және рациялар. Қыз балаларға да, ұл балаларға да барлаушы рөлінде ойнау өте қызық. Мұндай жиынтықтар басқа бөлмедегі әңгімелерді тыңдауға, қараңғыда көруге және рация арқылы бір-бірімен сөйлесуге мүмкіндік береді.
