«Аватон» деп аталатын бұл заңды 1045 жылы Византия императоры Константин IX Мономах ресми түрде бекіткен. Ережеге сәйкес, Афон түбегінде тек ер адамдар – монахтар ғана өмір сүре алатын.
Император Константин IX Мономах. Дереккөз: Википедия
Монахтар баланы асырап алып, оны сыртқы әлемнен толық оқшау жағдайда тәрбиелейді. Афонға әйелдердің кіруінен бөлек, мұнда тіпті, ұрғашы жануарларды асырауға да тыйым салынған, тек мысықтардан басқа. Осылайша, Толотос өмір бойы тек ер адамдардың ортасында өсіп, әйел атаулымен ешқашан кездеспеген.
Дегенмен, Толотосты нәресте кезінде күткен адам әйел болуы мүмкін. Себебі, ол кезде сәбилерге арналған арнайы тамақ болмағандықтан, ана сүтінсіз тірі қалуы қиын еді. Алайда, бұл туралы нақты дерек сақталмаған.
Грек монахтары, 1907 жыл. Дереккөз: rarehistoricalphotos.com
Көптеген монахтар Афонға есейген шағында келсе, Толотос монастырь қабырғаларынан тыс әлемді мүлде білмей өсті. Ол ешқашан қалаларды көрген емес, технологиялық дамудан бейхабар болды және, шын мәнінде, бүкіл өмірін өркениеттен толықтай оқшауланған түрде өткізді. Ол 1938 жылы 82 жасында қайтыс болды және өмірінде бірде-бір әйелді кездестірмеген болуы мүмкін.
1938 жылғы 29 қазандағы «Эдинбург дейли курьер» газетінің үзіндісі. Дереккөз: rarehistoricalphotos.com
Толотостың ерекше өмірі баспаның назарын аударды. 1938 жылғы 29 қазанда британиялық «Edinburgh Daily Courier» газеті оның қайтыс болғаны туралы хабарлап, монахтардың оған арнайы жерлеу рәсімін өткізгенін жазды. Оны әлемде әйелді ешқашан көрмеген жалғыз ер адам деп санаған.
Негізгі фото: tvnet.lv
