Бұл вирус әсіресе 10 жасқа дейінгі балаларға қауіпті, ал ересектер сирек ауырады және ауру жеңіл өтеді. Қазақстанда бұл вирусқа қатысты жағдай қандай? Эпидемиолог маман жауап берді.
Қауіптілігі
Коксаки вирусы жедел ауруларды қоздырып, теріде бөртпелердің пайда болуына, лихорадкаға, тіпті орталық жүйке жүйесінің зақымдануына, серозды менингитке, бұлшықеттер мен миокардқа әсер етуі мүмкін.Қазақстандағы жағдай
Қазақстандық эпидемиолог, Caspian International School of Medicine ассистент-профессоры Рафаиль Қыпшақбаев қазіргі уақытта Қазақстанда Коксаки вирусын жұқтыру жағдайлары тіркелмегенін мәлімдеді.Эпидемиологтың кеңестері:
- Коксаки дегеніміз не?- Бұл энтеровирус, яғни инфекция ошағы ішекте орналасады. Ол көбінесе лас қолдар арқылы жұғады: тамақ, ыдыс-аяқ, жуылмаған жеміс-жидектер немесе су арқылы беріледі.
- Вирус Қазақстанға жетуі мүмкін бе?
- Иә, мұндай жеңіл жұғу жолдарымен вирус кез келген елден келуі ықтимал.
• Алдын алу шаралары
o Қолды сабындап жиі жуу.
o Жеміс-жидектер мен көкөністерді қолданар алдында мұқият жуу.
o Асты термиялық өңдеуден өткізу.
o Инфекция жұқтырған адамдармен, әсіресе теріде бөртпесі бар адамдармен байланыста болмау.
o Тек бөтелкедегі немесе қайнатылған су ішу.
o Инфекцияға күдік туған жағдайда дереу дәрігерге қаралу.
Коксаки вирусының белгілері
• Инкубациялық кезең шамамен 6 күн.• Көбінесе жаз мезгілінде энтеровирустық лихорадка түрінде байқалады.
• Симптомдары:
o Бас ауруы, тамақтың ауырсынуы, жүрек айнуы, құсу, диарея.
o Денеде және ауыз қуысында қызыл бөртпелердің пайда болуы.
o Теріде қабыршақтану және қышыну байқалуы мүмкін.
Аурудың ағымы
• Емделу әдетте 3-4 күнде басталады.• Бөртпелер 7-10 күнде жойылады.
Тәуекел тобында:
• Жаңа туған нәрестелер.• Қарт адамдар.
• Эпидемия орын алған аймақтардағы демалушылар.
• Балабақша және мектепке баратын балалар.
• Онкологиялық және иммунитеті төмен адамдар.
Маңызды: Алдын алу шараларын сақтау арқылы бұл вирустың таралуын азайтуға болады.
Обложка: pixabay
